(1903) Falucar
Una custión tenemos entamada
Yo i tigo, amigu Pepe, i doit' avisu
Pe la 'stafeta, que tará 'bezada
A ser Culiebra d'isti Paraisu.
Quiero, ya que to pluma ta folgada,
Ponétela yo aquí n'un compromisu;
Pa que fales dalá si t'acorrexa
Que yo non cudie 'scorripiar to quexa.
Viniestes de Piñeres l'utru día
Pa 'mponderar el bable de to tierra.
Dexete "Falucar" 'na barbería;
Mas agora declárote la guerra.
Dixesti que 'nel mundu non había
Llingua meyor, i anque dacuando berra,
Poniendo al asturianu pe les ñubes,
Fixéstelu falar co los Querubes.
Abaxa un poco, lin, non siás ufanu,
Que i faces una mancha más al Sol,
I pones vregonzosu á tantu hermanu,
Robando 'l Mayorazgu al Español.
Dangún día 'l romance castellanu
Foi dialeutu; mas puestu 'nel crisol,
Yo con grandexa i maxestá s'atopa
Co los idiomas cultos que 'hai n'Uropa.
Verdá ye qu'isti bable gasayosu
E tienriquin, sonoru, i gayasperu;
Como cenciellu, dulce, i amorosu
Suel sonar é 'nes fiestes el punteru.
I por eso 'l astur baila gociosu,
Acompangando col tamborileru
El chiflu de la gaita, cuando ufana,
Sonsona co los mozos la Praviana.
Pero ve falai d'esto tú al gallegu,
Al catalán, vascuence, ó gaditanu,
Al d'Aragón, al cántabru, al manchegu,
Al batuecu, 'stremeñu, ó valencianu...
Dirante, i con razón, que yes un legu
Si non sabes l'idioma castellanu:
Pos cad'un ha tener con so amor propiu,
So dialeutu, i sos pelres en acopiu.
¿Non ves como tamien los paxarinos
Canten á l'alborada 'n Primavera,
I co les femes son amorosinos
Cuando tán platicando á so manera?
I si non ¿quién ensiña á los pitinos
A piar desque salen de la overa?
Pos lo mesmo 'l xilgueru que 'l canariu
Ñacieron deprendiendo 'l silabariu.
I agora pués facer comparamientu
Si quies oyir falar los animales;
Pero tate par' ello mui atentu,
I ñotarás que tóos non son iguales:
Urnia'l gochu, rebuzña ya'l xumentu,
Lladren los perros, aullen los chacales,
Ruxe fieru'l león, la oveya bala,
Cuca'l cuquiellu, i la cotorra fala.
Lo mesmo lo facín fará mil años,
I pasarán dos mil sin que depriendan
A facelo meyor propios ni extraños;
Si los quiés repriender, pué que s'ofiendan.
Meyor será dexalos 'nos rebaños,
I com' antiguament' allá se 'ntiendan:
Pos non quieren salir de sos montañes,
Nin olvidar sos zunes nin sos mañes.
Golviendo á los dialeutos son perbonos
Pa falar col vecin cada paisanu;
Pero non pa salise con sos tonos
A utru pueblu quiciás daqué lexanu.
Na península Ibérica hai dos tronos,
Reinen el Portugués, i el Castellanu:
Aquél ta col gallegu 'mparentau,
I el español del bable ye cuñau.
Dempués que morrió'l Cid, ñació'l romance
Pa cantar sos fazañes i so gloria;
Mas de celu i honor ya tevo un llance
Co los otros dialeutos e' 'una hestoria.
Salió al cabu de siglos d'aquel trance
Fachendosu con palmes i vitoria;
Pos gracies al rei Sabiu i al rei Santu,
La llingua de Cervantes y' un encantu.
Posai al Castellanu la montera;
Enclúcate, Pepín, i ciarra 'l picu;
¿Non ves como relluz tant llumbrera
De pelres pa facer l'idioma ricu?
El Español s'apriende, dixo Herrera:
Quien non sabe falallu, y'un borricu;
I esti bable que 'n ser meyor s'afana,
Sirve pa... "Falucar" pe la quintana.